WIL OPHOU MAAR KAN NIE PASTA

Wil-ophou-maar-kan-nie-pasta…uit my studentedae. Effens aangepas. Nogsteeds heerlik.

500 g rou pasta, gekook volgens aanwysings
25 ml olie
1 ui, gekap
1 groen soetrissie, gekap
250 g spek, gesnipper
6 – 7 sampioene, in skyfies gesny
1 blik tamatiesop
1 blik pitmielies, gedreineer
¾ blik ingedampte melk of 250 ml room vars pietersielie, gesnipper en opsioneel

Braai die ui en groen soetrissie tot sag.
Voeg die spek by en braai nog 5 – 7 minute.
Voeg nou die sampioene by en braai nog 2 – 3 minute.
Voeg nou die tamatiesop, pitmielies en ingedampte melk/room by en kook vir 2 – 3 minute.
Roer die gaar pasta (ek het fettucine gebruik) en pietersielie (indien gebruik) deur, en voeg sout en peper by na smaak.
Laat so 5 minute staan, roer weer deur en bedien.

Resep en foto: Ilze Jacobs