APPEL-HAWERMOUT-EN BLOUBESSIEGEBAK

Resep en foto: Meyer Combrinck

1 appel
1 teelepel suurlemoensap
1 groot/jumbo eier
2 teelepels olyfolie
2 teelepels gladde laevet maaskaas
2 eetlepels bloubessies
3 eetlepels hawermout
kaneel, na smaak
knypie sout
heuning, opsioneel
Voorverhit lugbraaier tot 200°C.
Kwarteer appel, verwyder stronk en rasper grof.
Druk bloubessies met vurk stukkend en voeg by die appels.
Meng alle ander bestanddele by die appelmengsel.
Skep mengsel in ‘n geskikte bak.
Verstel lugbraaier na 180°C en lugbraai vir 10 minute.
Laat staan vir vyf minute.
Bedruip met heuning (opsioneel).
Notas:
Dis geskik as ‘n ruim enkel porsie, of in helfte/kwarte bedien saam met ander ontbyt opsies.
Bedien saam met vla, room of roomys as ‘n (gesonder) nagereg opsie.