VARKWORSIES IN KERRIESOUS

600 – 800 g varkworsies
olie
2 uie, gekap
10 ml matige kerriepoeier
2 ml borrie
30 ml koekmeel
375 ml hoenderaftreksel
45 ml blatjang
15 ml appelkooskonfyt

Panbraai die varkworsies tot bruin en gaar in bietjie olie in ‘n warm pan op die stoof.
Skep die worsies uit en plaas eenkant.
Soteer die uie in die pan-olie tot glasesig en gaar, voeg die kerriepoeier en borrie by en soteer vir 1 min.
Sprinkel die koekmeel oor die uie, voeg die aftreksel by en roer vinnig deur sodat klonte te vorm nie.
Voeg die blatjang en appelkooskonfyt by en roer deur.
Kook die sous vir ongeveer 5 min.
Plaas die worsies terug in die pan by die sous en roer deur.
Proe die sous en voeg sout en peper na smaak by indien verkies.
Bedien met kapokaartappels.

Resep en foto: Amanda Austen