MAKLIKE SKILFERKORSDEEG MET SODAWATER

Foto:  Marié Fourie
Het nog sodawater deeg in yskas gehad (vir 2 weke) en besluit om appeltert te bak met die deeg. Twee blikkies appel stukke gebruik en gemeng met bietjie suiker en kaneel. Die deeg onder in die tertbak gesit, vulsel ingeskep , van die deeg weer bo oor gevleg. Bak by 180 ºC vir 30 min.

• 500 g ongesoute (koue) botter
• 500 g koekmeel
• 250 ml sodawater
• 15 ml brandewyn of suurlemoensap (ek gebruik suurlemoensap)
• Sny botter in blokkies.
• Sif meel en voeg botter by en meng effens deur.
• Voeg sodawater en brandewyn of suurlemoensap by.
• Maak aan tot ‘n deeg. Bedek met kleefplastiek.
• Laat rus in yskas vir 30 minute.
• Begin die deeg in een rigting op ‘n meelbestrooide oppervlak uitrol.
• Vou die deeg van agter na voor. Vee die oortollige meel af.
• Vou die deeg van die kant na die middel en herhaal proses tot al die botter ingewerk is.
• Laat die deeg na elke twee rolle in die yskas rus – dit moet koud bly.
• Rol uit en gebruik soos verkies.
• Hierdie deeg vries baie goed en hou ook goed in die yskas.  Bak teen 180ºC.