WARMPOEDING MET MOUSSE KITSMENGSEL

Resep: Liza Visser
Fotos: Marilize Hauptfleisch Fourie
Hier is die bewyse van ‘n reuse sukses, danksy Liza Visser.

• Poeding:
• 1 pakkie kitspoeding mousse mengsel, 90 g (sjokolade smaak werk goed)
• 2 koppies melk
• 1 koppie suiker
• 1 koppie bruismeel
• 2 eetlepels kakao
• 1 teelepel bakpoeier
• knippie sout
• 1 teelepel vanilla geursel
• 2 eetlepels gesmelte botter
• Sous:
• 1 koppie bruinsuiker
• 2 eetlepels kakao
• 2 koppies kookwater
• Voorverhit jou oond tot 180°C.
• Smeer ‘n oondvaste bak (ongeveer 20 x 20 cm) liggies met botter of sproei met kleefwerende sproei.
• Berei die mousse kitspoeding mengsel met die melk, volgens die aanwysings op die verpakking.
• Meng die suiker, bruismeel, kakao, bakpoeier, en sout in ‘n groot mengbak.
• Voeg die voorbereide mousse, vanilla geursel en gesmelte botter by die droë bestanddele en meng goed totdat ‘n gladde beslag vorm.
• Giet die beslag in die gesmeerde oondbak en maak dit gelyk met ‘n spatel.
• Meng die suiker en kakao in ‘n aparte bak.
• Sprinkel die suikermengsel eweredig oor die beslag.
• Giet die kookwater oor die hele poeding oor die agterkant van ‘n groot lepel. (moenie roer nie).
• Bak die vir 35 – 40 minute of totdat die bokant ferm is en ‘n tandestokkie skoon uitkom wanneer dit in die middel ingesteek word.
• Laat die poeding vir ‘n paar minute afkoel voordat jy dit bedien.
• Die sous sal aan die onderkant sak en ‘n heerlike, taai laag vorm.
• Bedien jou warm poeding met ‘n skeppie roomys of ‘n klomp vars room vir ‘n ekstra bederf.
• Geniet jou heerlike en maklike warm poeding!
• Notas:
• As die resep verdubbel word kan 200 g mousse mengsel gebruik word, dit maak ‘n diep oondpan vol, en is genoeg vir 20 ruim porsies.
• Die pan was  omtrent die grootte van ’n oondpan, maar dieper.