VINNIGE EN MAKLIKE BESKUIT
- 500 g (1 pak) botter
- 500 ml (2 koppies) suiker
- 500 ml (2 koppies) karringmelk
- 9 koppies koekmeel
- 5 ml (1 teelepel) sout
- 60 ml (4 eetlepels) bakpoeier
- 4 eiers
Stel oond op 180°C.
Smeer ‘n oondpan van 28cm x 38cm op die bodem en kante goed met botter.
Smelt botter en roer suiker by. Roer goed.
Roer karringmelk by bottermengsel en hou eenkant.
Sif koekmeel, sout en bakpoeier saam.
Klits eiers goed en roer by karringmelkmengsel in. Voeg by koekmeelmengsel en meng goed.
Rol deeg in balle en pak in voorbereide pan.
Bak vir 60 minute of tot toetspen skoon uitkom.
Bak vir 60 minute of tot toetspen skoon uitkom.
Laat beskuit afkoel en breek in stukke (wees versigtig, beskuit is baie bros, ek het dit gesny).
Droog beskuit teen 70°C vir ongeveer 5 uur.
Resep en foto: Louisa Rossouw Hollenbach
Category:
