“VERHOOGTE” TAMATIESLAAI
Resep en foto: Marian van Deventer
Hoeveelhede na gelang van aantal porsies
- groot heel ferm tamatie per persoon
- gewone jogurt
- roomkaas
- knoffel
- komkommer
- tamaties, olywe, uie, agurtjies of enige slaai bestanddele om saam met die komkommer te sny
- balsamiese asyn
- olyfolie
- gemengde sade
- spriet uie, fyn gekerf
- basiliekruid pesto (basil)
- sout en peper
- Meng die jogurt, roomkaas en swart peper. Maar jy kan net die gewone jogurt gebruik. Ek het roomkaas gehad wat ek moes opgebruik.
- Sny tamatie se skil – moenie deur die vleis sny nie.
- Kook vir 10 tot 15 sekondes in kookwater met sout en knoffel.
- Verwyder die tamaties uit die kookwater en plaas in yswater.
- Verwyder die skille van die tamaties af en sny die onderste gedeelte af.
- Nou kan die tamaties makliker uitgehol word. Verwyder die binnekant van elke tamatie.
- Plaas dit onderstebo neer sodat al die water en sous kan uitloop.
- Dit verg nogal vernuf, want die tamaties moet heel bly.
- Plaas onderste bo neer dat al die sous en water kan uitloop.
- Dit is nogals ‘n proses want die tamaties moet heel bly.
- In ‘n ander bakkie sny die komkommer, tamaties en bestanddele wat jy gaan gebruik in klein blokkies.
- Voeg die balsamiese asyn en suiker by, meng deur.
- Laat staan vir ‘n rukkie en dreineer deur ‘n sif gaan sodat al die vloeistof kan afloop.
- Skep die slaaimengsel versigtig in die uitgeholde tamaties tot vol.
- Verdeel die jogurtmengsel tussen die opdien bordjies.
- Keer die heel gevulde tamatie om en plaas dit oopkant na onder bo-op die jogurtmengsel in elke opdien bordjie, sodat niks kan uitloop nie.
- Nota: Ek het ‘n eetlepel gebruik om te keer dat die vulsel nie uitval nie.
- Neem basiliekruid pesto en olyfolie en meng. Jy meng maar soveel soos wat nodig het. Dit moet effens loperig wees.
- Skep ‘n eetlepel van die basiliekruidmengsel bo-op die tamatie en dan skep jy ‘n bietjie van die “slaaisous” wat jy afgegooi het van die komkommermengsel af, bo-oor. Versigtig dat alles nie afloop nie.
- Sit bo-op bietjie gemengde sade en gekapte sprietuie en bedien.
Category:
