VARKTJOPS IN APPELKOOSSOUS

Ek lees resepteboeke soos storieboeke en het vandag Wenresepte 5 ordentlik deurgelees. En toe ‘n paar resepte gemerk vir die volgende twee weke. Hierdie is die eerste een – varktjops in appelkoossous. Effens aangepas, maar absoluut heerlik.

8 varktops of vark steaks
1 blik appelkose met stroop, verpulp (410 g)
125 ml mayonnaise
1 pakkie wit uiesoppoeier
25 ml soet rissiesous (sweet chilli)
sout en peper na smaak

Pak die tjops in ‘n gespuite oondbak.
Gooi sout en peper bo-oor.
Meng die appelkoossous, mayonnaise, soppoeier en rissiesous saam, en skep bo-oor die tjops.
Bak 1 uur by 180ºC tot goudbruin.
Bedien met rys en groente.

Resep aangepas en foto: Ilze Jacobs