TUISGEMAAKTE LIMONCELLO

“En omdat julle gevra het, deel ek graag die Limoncello resep. Limoncello (‘n suurlemoenlikeur) gebruik net die suurlemoene/pomerlos se skille.”

6 suurlemoene en/of pomelos (ek het 2 pomelos en 4 suurlemoene gebruik), skil dun afgesny (probeer om so min as moontlik wit saam te sny)
1 liter vodka
750 g strooisuiker
700 ml kookwater

Plaas skille en vodka in ‘n houer wat goed seël. Maak toe en laat vir ‘n week staan.
Skud elke dag. Plaas strooisuiker in ‘n hittebestande bak. Giet kookwater bo-oor en roer totdat suiker opgelos is. Voeg suikerstroop by skille en vodka en laat staan nog ‘n week.
Skud elke dag.
Dreineer vloeistof van skille af en giet vloeistof in bottels. En dis tuisgemaakte Limoncello!

Resep en foto: Ilze Jacobs