TROPIESE KOEKSTRUIF

1 rolkoek
50 ml Sjerrie of Port
820 g blik vrugtekelkie, gedreineer (fruit cocktail)
1 liter mango-en-perske jogurt
250 ml room, styf geklits
glansvrugte vir versiering, opsioneel

Sny die rolkoek in ringe en pak die helfte onder in ‘n groot diep bak.
Besprinkel met die helfte van die sjerrie en strooi die helfte van die vrugtekelkie oor.
Skep die helfte van die jogurt oor en smeer ook die helfte van die room oor die jogurt.
Herhaal die lae, rolkoek, sjerrie, vrugtekelkie en skep die res van die jogurt oor.
Versier met die res van die room en glansvrugte (opsioneel).
Plaas in yskas tot voor bediening.

Resep en foto: Amanda Austin