TOSKAANSE PENNE HOENDERPASTA IN DIE DRUKPOT

1 hoenderborsie
2 teelepel paprika
2 teelepel droë knoffel
50 g botter vir vlakbraai
1 ui, gekap
125 g spek, gekap
3 klein knoffelhuisies, gekap
5 koppies hoenderekstrak
1½ koppies melk
2 teelepel gemengde droë kruie
500 g penne pasta, rou
200 g roomkaas
7 songedroogte tamaties in olie, gesnipper
1½ koppie gerasperde parmesan of cheddar
120 g baba spinasie, gekap
sout en peper, na smaak

Geur hoender met paprika en knoffel, en braai alkante in botter in die “instant pot” tot bruin. Haal uit. Braai die ui, spek en vars knoffel vir 3 minute in die drukpot tot deurskynend.
Voeg die hoenderekstrak, melk, kruie, pasta en hoender by, en kook vir 9 minute op die drukpot stelling. Laat die druk afloop.
Voeg die roomkaas by en meng totdat die roomkaas heeltemal gesmelt is.
Sny die hoender in stukkies en roer by die pasta in saam met die tamaties, parmesan, spinasie, sout en peper. Bedien met ekstra kaas.

Resep en foto: Ilze Jacobs