Your Recipe Blog

TOSCA SE GEMMERKOEKIES

Recipe by
Cook: 15 minute

TOSCA SE GEMMERKOEKIES

Lekker maklike resep. Jy koop die bestanddele sommer net so van die winkelrakke af.
  • 1 ½ kg bruismeel
  • 1 kg suiker
  • 500 g botter
  • 3 dessertlepels gemmer (37.5 ml)
  • 4 eiers
  • 500 g goue stroop
  • 1 eetlepel koeksoda (bicarbonate of soda), gemeng met ‘n bietjie asyn
  • 1 eetlepel kremetart
Smelt die botter, suiker en goue stroop saam en laat effens afkoel. Klits die eiers en voeg by en dan die koeksoda en asyn mengsel. Meng die res van die droë bestanddele by.
Dit is ‘n  stywerige deeg wat jy in bolletjies rol – my Ma het altyd haar bolletjies afgemeet met ‘n dessertlepel.
Pak die bolletjies op ‘n gesmeerde bakplaat en bak teen 180° C vir 15 minute.
Jy kry so min of meer 200 koekies.

Nota:
Die raad wat ek het as sy my resep probeer, is om die deeg, nadat dit aangemaak is, af te meet – so rondvol teelepel per koekie en dit dan in ‘n balletjie te rol en net so rond op die pan te sit. Moenie dit platdruk nie. Die bolletjies rys eers amper so groot soos golfballe en is liggeel en dan is dit asof hulle platsak en die barsies maak. Ek hoop regtig julle kry dit reg.

Foto en resep: Tosca de Villiers

One Review

  1. Lucinde Von Wiellingh
    Hulle kom perfek en proe heerlik. Dis net moeilik om ‘n baksel op te bou, soos hulle uit die oond kom word hulle geëet. Dankie vir deel Tosca

    Star

Leave a Review

Your email address will not be published. Required fields are marked *

*

1 2 3 4 5