SUURLEMOENSKUIMTERT SONDER KONDENSMELK
- 1 tertkors van jou keuse of
- Broskors:
- 80 ml botter
- 270 ml koekmeel
- 45 ml koue water
Vryf botter in meel en meng water lepel vir lepel by tot net gemeng. Bedek en laat vir 30 minute rus in yskas.
Sit oond op 180ºC. Druk kors vas in gesmeerde tertbak. Bak sowat 15 minute.
- Vulsel:
- 250 ml suiker
- 60 ml mielieblom
- knippie sout
- 4 groot eiergele
- 500 ml melk
- 80 ml suurlemoensap
- 10 – 15 ml suurlemoenskil, fyn gerasper
- 45 ml botter
- Meringue:
- 4 groot eierwitte
- ¼ teelepel kremetart
- 125 ml suiker
- 10 ml mielieblom
Vir die meringue:
Klits eierwitte tot skuimerig en voeg kremetart by. Hou aan klits tot sagte punte vorm.
Meng suiker en mielieblom en gooi bietjie vir bietjie by terwyl aanhoudend geklits word.
Klits tot goed gemeng en stewig. Hou eenkant.
Vir die vulsel:
Meng suiker, mielieblom en sout in ‘n groot pot.
Klits eiergele, melk en suurlemoensap saam in ‘n bak met draadklitser.
Klits melk mengsel by ander bestanddele in pot.
Sit plaat op medium hitte en klits aanhoudend totdat mengsel begin kook.
Kook nou vir 1 minuut terwyl jy aanhoudend klits.
Verwyder van hitte en roer botter en skil by.
Skep die vulsel in die kors en maak gelyk.
Seël dadelik om die rand met meringue mengsel. Skep res van meringue in middel en smeer dan gelyk totdat hele tert bedek is.
Bak by 160° C vir ongeveer 25 minute.
Laat afkoel by kamertemperatuur tot koud.
Verkoel vir ‘n paar uur in yskas.
Foto: Elaine Steyn Steyn
