SUS SE PIESANG MUFFINS
Dis eintlik my sus wat ‘n baasbakster is, se resep. Dis werklik donssag en heerlik. Ek meng soms in beslag so 2 eetlepels marmalade konfyt en sommer so groot skep of 2 grondboontjiebotter by.
- 2 koppies koekmeel
- 1 teelepel koeksoda
- 2 teelepels bakpoeier
- ½ koppie suiker
- ½ koppie melk
- 2 eiers
- knippie neutmuskaat
- 2 teelepels kaneel
- 1 teelepel sout
- ½ koppie olie
- 6 – 8 piesangs, fyngedruk
Sif die droë bestanddele saam.
Klits eiers en suiker saam.
Meng melk en olie saam.
Voeg die droë en nat bestanddele om die beurt by die eiermengsel.
Voeg die piesangs by, meng alles liggies saam en skep in gesmeerde kolwyntjie pannetjie.
Bak vir 20 minute by 180°C.
Resep: Annetjie Steyn
Foto: Louise Hollenbach