SUIKERMIELIE BRAAIGEREG

Resep by Tannie Hanna “Blom” gekry… het gou gaan pietersielie pluk vir my tertjies….(ek kry dit om die dood nie aan die groei nie!)

1 blikkie suikermielies (sweetcorn)
2 eetlepel mieliemeel
1 teelepel bakpoeier
2 ml sout
250 ml melk
2 geklitste eiers
1 koppie gerasperde Cheddarkaas
suiker, opsioneel (lees nota)

Meng alles saam, skep in kolwyntjiepanne, stip met margarien en bak 20 – 30 min of tot gestol by 190° C.
Sy’t dit bedien met ‘n mengelslaai en frikkadelle.

Resep geplaas deur: Wilma Josey Venter
Notas en Foto: Martha Coetzee

Nota:
Ek het dit probeer. Ek verkies mieliegereg bietjie soet. Ek het na 25 minute suiker oorgestrooi en stukkie botter op elke muffin gesit. Terug in oond vir nog so 5 minute. Smaak lekker, maar sou dit soet verkies het. (Verskoon asb hoe die pannetjie lyk, hy werk hard)