SPEK- EN UIEKONFYT

5 groot rooiuie, in lang repies gekap
olie vir braai
3 x 250 g pakkies spek, in klein blokkies gesny
125 ml donker bruinsuiker
1 houertjie kersietamaties
200 ml balsamiese asyn
handvol roketblare, met bietjie olyfolie bedruip

Braai die uie in ‘n bietjie olie.
Voeg die spek by en braai totdat die vet begin uitbraai.
Voeg nou die tamaties by en braai totdat dit oopbars. Voeg die suiker by en roer, ‘n stroop sal begin vorm. Voeg die asyn by sodra die tamaties begin disintegreer. Roer die hele tyd sodat die suiker nie aan die bodem vasbrand nie. Bottel en bere in die yskas.
Bedien op ‘n rolletjie met kouevleis en roketblare.

Foto: Sanet Smith Verster