SOUSE VIR HAMBURGERS

Hamburgersous: Riana Havenga
½ koppie van elk – blatjang, tamatiesous en geel mosterd (bv Wimpy of Steers)
¼ koppie sweet pickle relish

Meng deur en bedien op die hamburger.

Wimpy burgersous: Joanita Rothman:
150 g fyngekapte uie
15 g fyngekapte knoffel
600 g geskil en gekapte tamaties
150 ml rooiwynasyn
100 g fyngekapte agurtjies
50 g botter
75 g suiker
15 ml paprika
15 ml mielieblom gemeng met 30 ml water

Verhit pan op medium hitte, smelt botter en braai uie en knoffel vir 5 min. Voeg tamaties by en braai vir nog 10 min. Voeg parika by en braai vir nog 2 min. Voeg rooiwynasyn en suiker by en roer tot suiker opgelos, is bring tot kook punt. Stel hitte af en laat prut vir 30 minute. Roer elke minuut of so.
Voeg mielieblom bietjie vir bietjie by water en giet in die pan. Bring weer tot op kookpunt en roer aanhoudend vir so ‘n minuut tot dik.
Haal die pan van die hitte af en voeg die agurkies by en bietjie sout vir smaak.

Nota:
Jy kan rooi voedsel kleursel bysit vir ‘n diep rooi kleur.

Piesangsous: Dominique Jdj Prud’homme-Meyeridricks
3 uie, grofgekap
25 ml botter
10 ml kookolie
15 ml matige kerriepoeier
25 ml koekmeel
30 ml wynasyn
150 ml vleisaftreksel
5 ml sout
25 ml bruinsuiker
25 ml appelkooskonfyt
4 piesangs, in dik skywe gesny

Soteer ui in verhitte botter en kookolie in swaarbooomkastrol tot deurskynend. Voeg kerriepoeier en koekmeel by en braai vir 2 minute. Voeg verhitte vloeistof asook oorblwende bestanddele by, behalwe piesangs, en prut 5 min. Voeg piesangs by en sit voor saam met hamburgers.

Soetsuursous:
30 ml tamatiesous
30 ml suurlemoensap
5 ml gerasperde suurlemoenskil
15 ml bruinsuiker
varsgemaalde swartoeper na smaak
2 ml sout
1 lourierblaar
3 gemmerbeskuitjies, gekrummel
250 ml vleisaftreksel

Verhit bestanddele en prut 15 min. Sit voor saam met burgers.

Sampioensous:
1 ui, gekap
250 g sampioene, in skyfies gesny
15 ml kookolie
50 ml botter
50 ml koekmeel
200 ml melk
5 ml gerasperde suurlemoenskil
3 ml sout, varsgemaalde swartpeper na smaak

Soteer ui en sampioene in verhitte botter en kookolie tot ui deurskynend is. Voeg koekmeel by en roer oor hitte vir 1 minuut. Voeg warm melk by en roer tot gaar.
Geur met geurmiddels. Sit voor saam met burgers.

Pynappelsous:
2 stingeluie, in stukke gesny
1 groen soetrissie, julienne gesny
10 ml botter
10 ml kookolie
1 x 410 g blik pynappelstukke, gedreineer
150 ml pynappelvloeistof
10 ml sojasous
15 ml appelasyn
15 ml mielieblom
2 ml sout, varsgemaalde peper na smaak

Soteer ui en soetrissie in verhitte botter en kookolie tot ui deurskynend is. Meng res van bestanddele, verhit en voeg by. Prut vir 5 min. Giet sous oor hamburgers.

Foto: Dalila De Barros Viljoen