SOETPATATS MET GEMMERKOEKIES

Gisteraand se soetpatats. My eerste skoonma het my geleer en dis regtig verskriklik lekker en maklik.

3 patats, geskil, en sag gekook in soutwater (nie pap nie)
9 eetlepels bruinsuiker
12 eetlepels botter
120 g gemmerkoekies, gekrummel

Sny die patats in ringe. Pak lagies. Begin met ‘n fyn strooisel bruinsuiker onder in ‘n oondvaste bak (die bak moet ‘n deksel hê). Volg met ‘n laag patatskywe. Lagie koekiekrummels, sprinkel suiker, stip met botter.

Herhaal die lagies en eindig met suiker, koekiekrummels en stukkies botter.
Bedek en bak teen 180°C vir 20 minute, haal die deksel af en bak vir ‘n verdere 15 minute.

Resep en foto: Zita Harber

Nota: Ester Botha
Maak myne presies soos resep bo, gooi net glasie room bo-oor en maak myne in die slow cooker. Heerlik.