SKAAPSKENKEL KERRIE

900 g skaapskenkels of enige stowe vleis
500 ml vleisaftreksel
2 uie, fyngekap
20 ml matige kerriepoeier
2 groen soetrissies, opgekap
15 ml asyn
3 lourierblare
sout en peper na smaak
30 ml appelkooskonfyt
15 ml suiker
3 tamaties, ontvel en gekap
2 piesangs, fyngedruk
1 groen appel, geskil en gerasper

Verhit ‘n klein bietjie olie en braai die skenkels tot bruin. Skep uit en hou eenkant.
Braai die uie in dieselfde olie tot sag en geurig.
Voeg die soetrissie en die kerriepoeier by en braai deur.
Voeg die skenkels terug asook al die ander bestanddele.
Laat kook vir ongeveer 2 tot drie ure tot vleis sag en die sous verdik het.
Bedien met rys.

Resep en foto: Amanda Austen