SJOKOLADEBESKUIT (ROMANY CREAMS)
- 900 g bruismeel
- 10 ml bakpoeier
- 75 g kakao
- 1 koppie donkerbruin suiker
- 3 ml sout
- 375 ml klapper
- 250 g margarien (Stork bake)
- 500 ml karringmelk
- 2 ekstra groot eiers, geklits
Meng die droë bestanddele saam in ‘n mengbak en plaas eenkant.
Smelt die margarien en voeg die eiers en karringmelk by, roer tot gemeng.
Voeg die margarienmengsel by die droë bestanddele en roer tot goed gemeng.
Druk die deeg in ‘n gesmeerde beskuitpan en bak in ‘n voorverhitte oond vir 45 min by 160°C (termowaaieroond) of vir 1 uur by 165°C (gewone oond).
Sny die gaar beskuit in vorms van eie keuse en droog oornag uit by 50ºC.
Foto 1 en nota:
Erica Cosjin – Vir die panneman pan met die snyers het ek die beslag 1.5 keer aangemaak. Smaak net soos “Romany creams”.
Foto 2 en nota:
Martie Labuschagne – My weergawe van die “Romany cream” beskuit, dit is heerlik, probeer gerus. Ek het koekmeel (6 koppies) en bakpoeier (30 ml) gebruik ipv bruismeel en bakpoeier. Ek het ‘n ½ koppie sjokolade splinters bygevoeg en die margarien by die droë bestanddele ingevryf ipv gesmelt.
Resep geplaas: Jana Prinsloo
