SJOKOLADE KARAMELSTAFIES
Nou gemaak, sjokolade karamelstafies. Hierdie ook bekend as Millionaires Shortbread!
- Basis:
- 160 g sagte botter
- 150 ml strooisuiker
- 375 ml koekmeel, gesif
- 25 ml melk
- 5 ml vanilla
- Vulsel:
- 125 g botter
- 150 ml sagte bruinsuiker
- 397 g (1 blikkie) kondensmelk
- Bolaag:
- 300 g donker sjokolade
Voorverhit oond tot 180 ºC . Voer bodem van ‘n vierkantige 20 cm koekpan met bakpapier uit en spuit rand van pan liggies met kleefwerende middel.
Basis:
Klits botter en strooisuiker saam tot lig van kleur en romerig.
Klits melk en vanielje by en laastens die meel.
Druk degie in bereide pan en bak vir sowat 20 – 25 minute en tot goudbruin bo-op en laat afkoel.
Vulsel:
Plaas al die bestanddele van die vulsel in ‘n middelslag kastrol en roer oor matige temperatuur om al die suiker op te los.
Bring tot kookpunt en prut vir 5 minute sonder ‘n deksel terwyl heeltyd geroer word en totdat mengsel verdik en ‘n karamelkleur verkry.
Giet warm karamel oor afgekoelde kors en laat afkoel.
Bolaag:
Smelt sjokolade en smeer bo-oor karamel. Laat eenkant om heeltemal te stol en sny daarna in stafies.
Foto: Petro van Genderen
