SJOKALDESPLINTERKOEKIES
- 135 ml margarien
- 125 ml witsuiker
- 125 ml bruinsuiker
- 2 ml vanilla geursel
- 1 eier, effens geklits
- 330 ml bruismeel
- 1 ml sout
- 125 g sjokoladesplinters
- 60 g okkerneute, grofgekap (of sommer enige neute)
Verhit oond tot 180°C.
Room margarien en 2 soorte suiker met elektriese menger tot lig en romerig.
Klits vanilla geursel en eier saam, voeg geklitste eier geleidelik by margarienmengsel en klits goed na elke byvoeging.
Sif bruismeel en sout saam. Voeg by die res by die mengsel.
Voeg sjokoladesplinters en neute by en meng goed met die hand deur.
Rol klein balletjies van die deeg en sit op gesmeerde bakplate, 5 cm uitmekaar.
Bak in oond 15 – 20 minute.
Resep en foto: Anika Steyn
Category:
