ROMERIGE AARTAPPELGEBAK

2 uie, opgekap
2 knoffelhuisies, fyngedruk
30 ml olie
6 aartappels, sag gekook
1 pakkie (50 g) wituiesoppoeier
325 ml melk
250 ml mayonnaise
250 g spek, opgesny
sout en peper na smaak
250 ml Cheddar kaas, gerasper

Voorverhit oond tot 190°C. Spuit ‘n oondvaste bak.
Braai die uie en knoffel tot geurig. Voeg spek by en braai tot gaar.
Sny aartappels in skywe. Pak aartappels in oondbak en skep die uiemengsel bo-oor. Meng deur.
Meng soppoeier, melk en mayonnaise en giet bo-oor. Strooi kaas bo-oor die tert.
Bedek met foelie en bak 20 minute lank.
Verwyder foelie en bak not 10 minute tot goudbruin.

Resep en Foto: Amanda Austen