RETHA SE KAASKOEK

Kors:
1 pak Tennisbeskuitjies
80 – 100 ml margarien/botter
Vulsel:
1 blik kondensmelk
80 ml suurlemoensap
1 houer gladde maaskaas
250 ml houer vars room

Krummel beskuitjies fyn en meng met botter. Druk onder op boom en kante van pan vas. Gebruik ‘n losboompan.

Meng kondensmelk en suurlemoensap goed saam. Voeg maaskaas by en meng tot glad. Klits room net styf, voeg by kondensmelk mengsel en vou in tot mooi glad.
Skep in pan met kors.
Bak 10 min by 180°C.
Laat afkoel en verkoel verder in yskas.
Versier soos verkies. (bv met vars vrugte of ‘n jellie laag)

Resep oorspronklik geplaas deur Marzanne Ackermann
Foto en veranderde resep: Stien Rust