RATATOUILLE à LA ROSALINA
Rosalina is die pers-rooi ui wat nou op die supermark-rakke gekry word. Dit is soet en sappig – ‘n enorme aanvulling vir vele disse van ‘n slaai tot by ‘n vegetariese gereg. Daar word gesê: “ Don’t cry – give a Rosalina a try!” Wanneer ek rooi uie gebruik om Ratatouille te maak, noem ek my dis ‘Ratatouille à la Rosalina’!!
- 2 groot rooi uie, in dun ringetjies gesny
- 2 knoffelhuisies, fyngekap
- 37,5 ml Franse slaaisous
- 500 g geskilde tamatieskywe
- 1 elk groen, geel en rooi soetrissie
- 500 g murgpampoentjies
Braai uie en knoffelhuisies in die Franse slaaisous in ‘n wok vir 5 minute. Voeg die tamatieskywe, soetrissies en murgpampoentjies by en roerbraai vir 5 minute.
Geur na smaak; sprinkel ‘n handjievol kruie bo-oor; besprinkel met sesamesaad en bedien as ‘n bykos of ‘n vegetariese maal.
Resep en foto: Hélène Kluge
