“RANCH” SOUS VIR SLAAIBLARE

Ek het sommer my eie “ranch” sousie vir my slaai saam met geroosterde hoender aanmekaar geslaan vir middagete.

½ koppie ongegeurde of Griekse jogurt (of karringmelk as jy die sousie dun wil hê)
1 eetlepel mayonnaise
2.5 ml springmielie sprinkel sout “cheese and chive” geur
2.5 ml dille, opgekap of gedroog
5 ml fyngekapte grasuie (chives) of 2.5 ml gedroog
2.5 ml Italiaanse kruie, gedroog

Meng goed en skep op slaaiblare,
Bedien met appel wat met suurlemoensap of appelasyn gesprinkel is, feta blokkies en enige tipe neute.
Garneer met pietersielie.

Resep en foto: Elsabie Templeton