PYNAPPEL ROOMYSTERT
- Kors:
- 375 ml verkrummelde Marie/Tennis beskuitjies
- 50 ml suiker
- 125 g margarien
Meng beskuitjiekrummels, suiker en margarien goed saam, druk met agterkant van metaal lepel teen die wand en boom vas van ‘n tertbak. (1.5 liter bak). Verkoel kors tot benodig word.
- Vulsel:
- 1 blik (410 g) pynappelstukke
- 1 pkt (80 g) lemmetjiejelliepoeier
- 500 ml vanielje roomys
- 125 ml room, effens versoet en styfgeklits
Dreineer pynappelstukke en vul sap aan met water tot 300 ml.
Verhit stroopwater tot warm en los jellie daarin op.
Sny die roomys in blokke en klits blok vir blok by die warm jellie tot alles ingeklits is.
Plaas mengsel in koelkas en laat dit afkoel tot so dik soos eierwit en net net wil stol.
Hou ‘n paar van die pynappelstukke eenkant vir versiering.
Maak die res in versapper/voedselverwerker fyn of sny baie klein stukkies.
Vou dit by die roomysmengsel en skep in die kors.
Plaas in yskas om te stol.
Versier net voor bediening met styfgeklitste room en pynappelstukkies.
Foto: Leanne Thurston Coetzer