PIKANTE AARTAPPELSLAAI MET SPEK

1 kg klein aartappeltjies, gekook met skil aan
250 ml Fetakaas, grof gekrummel
gemengde neute, grof gekap
250 ml gesnipperde spek
1 pakkie olywe, ontpit
groen, rooi en oranje soetrissies (pimento), in ringeties gesny
100 ml grof gekapte basiliekruidblare, knoffel grasuie en pietersielie
gemengde slaaiblare
Slaaisous:
125 ml olyf olie
80 ml suurlemoensap
10 ml droë gemengde kruie
15 ml korrelmosterd
knippie suiker
sout en gemaalde peper

Kook die aartappeltjies sag en laat koel af.
Braai die spek tot gaar en laat koel af.
Halveer die aartappels met die skil aan en plaas in die slaaibak met die spek en slaaiblare.
Voeg die soetrissies, olywe en Fetakaas by saam met die grof gekapte neute.
Voeg die gekapte basiliekruid, knoffel grasuie en pietersielie by en meng goed deur.
Meng die slaaisous bestanddele goed en giet oor die slaai.
Bedien.

Resep en foto: Johan Rossouw