PIESANG EN UIESLAAI

4 teelepels botter
3 uie, in ringe gesny
500 ml (2 koppies) kookwater
20 ml Maizena
20 ml geroosterde kerriepoeier
5 ml mosterdpoeier
5 ml borrie
75 ml water
75 ml witwynasyn
7.5 ml sout
5 ml peper
15 ml bruinsuiker
30 ml appelkooskonfyt
8 piesangs
Opsioneel:
2 hardgekookte eiers, in skywe gesny, opsioneel

Verhit die botter in ’n kastrol en braai die uie tot sag.
Voeg die kookwater by.
Meng die res van die bestanddele behalwe die piesangs en eiers, en voeg by die uie.
Roer gedurig tot dit kook en effens verdik.
Laat afkoel.
Sny die piesangs in skyfies en voeg by die sous.

Opsioneel:
Hardgekookte eiers wat in skyfies gesny is, kan ook bygevoeg word.

Foto en resep: Elize de Kock