PEERSKIL STROOP

Ek’t vanoggend se pere wat ons ingelê het se skille mooi skoon gemaak deur alle sleg stukkies uit sny en mooi skoon afgespoel. Ek kon net nie oor my hart kry om die skille weg te gooi nie.

peerskille van ongeveer 5 kg pere
± 800 ml water
1 koppie suiker

Plaas alles saam in ‘n groot genoeg kastrol. Bring tot kookpunt, stel hitte stadiger en kook vir omtrent een uur.
Roer af en toe om te verseker dit brand nie aan nie.
Laat afkoel en sit in voedselverwerker tot mooi glad verpulp.
Dit lyk nou maar na ‘n kakie kleur bedryfie maar julle sal verbaas wees hoe lekker dit smaak.
Geniet as ‘n heerlike drankie met sodawater of soos verkies.

Resep en foto: Gideon Louw