PASTASLAAI MET HOENDER

Heerlike pastaslaai met hoender. Jammer maar manlief het al uitgeskep voor ek die foto geneem het. Ek het ook die resep verminder omdat ons net 2 mense is. Die slaai is op sy lekkerste as dit die dag voor die tyd gemaak word.

6 of meer of minder hoenderborsies, gaar gekook in soutwater, snipper in fyn stukkies
500 g skulpiesnoedels (of enige ander noedel), gekook tot gaar in soutwater
2 groot uie, fyngekap
2 groot groen soetrissies, fyngekap
125 ml kookolie
125 ml witasyn
250 ml tamatiesous
200 ml suiker of minder soos verkies
5 ml borrie
15 ml kerriepoeier

Meng alles goed saam en plaas in yskas oornag.
Hierdie resep voer heelwat mense.

Resep en foto: Francis Schoeman