PAMPOENTERT POEDING
Hierdie is my ma se Pampoentert, dit proe soos nagereg, lyk ook soos nagereg, julle moet dit probeer.
- 125 g botter of margarien
- 160 g (200 ml) suiker
- 3 eiers, geklits
- 140 g (250 ml) bruismeel
- 2 ml sout
- 400 g (3 x 250 ml) gerasperde rou pampoen
- 5 ml vanilla
- Sous:
- 125 g botter of margarien
- 1 x 125 ml houer room of 1 x 170 g blik ingedampte melk
- 60 ml suiker
Verroom botter en suiker tot lig en donsig.
Voeg eiers bietjie vir bietjie by terwyl geklits word.
Sif droë bestandele by.
Roer pampoen en geursel by en skep beslag in gesmeerde oondskottel.
Bak 45 min by 180° C.
Verhit sous bestanddele tot byna kokend en giet oor warm tert wanneer dit uit die oond kom.
Foto en resep geplaas deur Chantélle En Ben Saayman
