OUTYDSE SAGOPOEDING

Hierdie poeding word gemaak in ‘n lekker grootbak.

6 koppies melk
8 eetlepels suiker
4 eetlepels sagte botter
8 eetlepels sago
8 eiers, geskei
knippie sout
5 ml lemoengeursel
appelkooskonfyt
3 eetlepels suiker vir die meringue

Kook melk, suiker en sago saam oor lae hitte, pasop vir aanbrand.
Roer aanhoudend op stadige hitte vir 5 min met ‘n houtlepel.
Haal af die van hitte, voeg die botter by, roer deur en laat afkoel.
Voeg die geklitste eiergele en lemoengeursel by en meng goed.
Skep in gesmeerde bak ongeveer 3 tot 4 liter bak.
Bak vir 45 min by 180 ºC.
Haal die poeding uit die oond en smeer appelkoos konfyt bo-oor.
Klits eierwitte styf en wanneer amper styf voeg 1 eetlepel suiker op ‘n slag by terwyl jy heeltyd klits.
Klits tot stywe punte vorm, skep bo-oor die konfyt en bak vir ongeveer nog 15 min of tot mooi bruin.
Bedien met vla.

Foto en resep: Alta Gunter Van Dyk