OUTYDSE BRUINPOEDING

6 koppies water
1 ½ koppies suiker
2 eetlepels gemmerpoeier
2 eetlepels pypkaneelpoeier
2 koppies koekmeel
2 teelepels koeksoda, opgelos in bietjie lou water
125 g margarien
knippie sout
2 eiers
2 eetlepels appelkooskonfyt

Meng die water, suiker, gemmer en pypkaneel in ‘n pot op die stoof.
Kook die stroop vir 20 minute.
Meng die meel, koeksoda, margarien, sout, eiers en appelkooskonfyt tot ‘n deeg.
Vorm die deeg om ‘n “bal” te vorm.
Wanneer die stroop 20 minute gekook het stel die plaat af na minimum.
Plaas die bal deeg in die middel van die pot stroop.
Plaas die deksel op en kook vir 1 uur op baie lae hitte.
Moenie die deksel oplig nie.
Na 1 uur haal van die stoof af, verwyder die deksel en skep op.
Bedien net so of saam met vla.

Resep en foto: Debbie Griesel