OONDGEROOSTERDE SALM OP PASTA

Resep en foto: Elizabeth Haupt
Eerstens het ek gesorg dat al wat ‘n graatjie uit die vis is.

salm, in porsies gesny
Meng die volgende saam:
150 ml suurlemoen sap
150 ml lemoensap
1 eetlepel knoffel
200 ml bruinsuiker
100 ml water
sout en pepper na smaak
groot takkie roosmaryn
Ekstra: hoeveelhede na gelang van porsies
heel groenboontjies
heel pit mielies
rou uieringe
suurelemoen en lemoenskywe
Sit die salm in ‘n sak, giet die sous oor en laat rus vir teminste 2 ure in yskas.
Kook heel groenbone net tot sag in soutwater, haal uit, spoel af onder koue water en laat staan eenkant.
Kook spaghetti, dreineer en hou eenkant.
Rooster salm tot net gaar in bietjie olie, velkant onder, haal uit en hou eenkant.
Braai die uie in dieselfde pan, sit die res van die marinade by en soteer spaghetti saam met die bone en mielies daarin.
Skep in bak of in borde en bedien vis bo-op.
Rooster suurlemoen- en lemoenskywe in bietjie botter en sit dit bo-op.