• 1,4 kg stukke brisket (verdeel groot stukke in helfte)
• sout en peper na smaak
• 10 ml droë pietersielie
• rooipeper na smaak
• koekmeel
• 110 ml tamatiesous
• 40 ml Worcestersous
• 40 ml asyn
• 500 ml water
• 2 teelepels suiker
• 1 ui, grofgekap
• 7 klein aartappels in skil, middeldeur gesny

Meng koekmeel met speserye.
Rol stukke brisket in meelmengsel tot goed bedek en plaas in groot oondkasserol met deksel.
Pak ui bo-oor.
Meng tamatiesous, Worcestersous, asyn en water en giet bo-oor.
Strooi suiker oor, pak aartappels op snykant op die vleis en sous.
Bedek en bak 2 ure by 160° C.
Haal deksel af, skep van die sous oor die aartappels en bak nog 10 minute.

Resep en foto: Madeleine Steenkamp