MONIQUE SE HOENDER LASAGNE

1 gaar hoender (bene en vel verwyder)
Witsous:
100 g botter
koekmeel
500 ml melk
sout en peper volgens smaak
knoffel sout na smaak
1 houertjie roomkaas
lasagne velle
250 g gaar spek blokkie
gerasperde kaas

Smelt botter en voeg meel by tot sagte bal stadium vorm.
Voeg melk by terwyl jy heeltyd klits en daar geen klonte meer is nie en dit ‘n gladde sous vorm.
Voeg die sout, peper en knoffel sout na smaak by. Kook deur.
Voeg houertjie roomkaas by en roer tot roomkaas gesmelt het.
In ‘n oondvaste bak, pak lae soos volg: witsous, lasagne velle, gaar hoender gevlok, kaas en spek.
Begin weer met witsous, gaar hoender ens en eindig met witsous.
Strooi kaas oor en bak in die oond tot lasagne velle gaar is by 180 ºC.

Nota:
Ek dink dit sal ook lekker wees as jy gaar hoender met ‘n blikkie tamatie smoor of puree meng voordat dit in lae gepak word.

Resep en foto: Monique Van der Merwe
Ander fotos: Karel Le Roux Naude