MIELIEPAPBALLE MET BILTONG

Maak lekker stywe mieliepap met ongeveer 1½ koppies mieliemeel9
Meng daarby in:
1 blikkie suikermielies
2 koppies fyn gekapte droë wors of biltong
½ blikkie tamatie en uiemengsel
Worcestersous na smaak
1 koppie gerasperde Cheddar kaas

Laat die mengsel effens afkoel.
Rol dan stywe frikkadel grootte balle en pak in ‘n gesmeerde oondpan.

Sous:
1 liter room
½ blikkie tamatie en uiemengsel
blatjang, speserye en Worcestersous
gerasperde kaas
origanum

Meng die room met die oorblywende tamatie en uiemengsel.
Voeg by na smaak: blatjang, speserye en Worcestersous.
Skep die sous oor die papballe en maak seker dat dit goed bedek is.
Sprinkel gerasperde kaas en origanum bo-oor.
Bak teen 180°C vir 45 minute of tot die room begin dik word.
Bedien warm en geniet!

Bron: Johan Du Preez snr
Foto: Sharon Viljoen