MIELIEPAP- EN ROOMMIELIEGEBAK

Resep en foto: Ina Vd Hyde-van Bosch
’n Ongelooflike maklike gereg om met wors of braaivleis voor te sit en baie baie lekker.

• 360 g (750 ml) growwe mieliemeel
• 250 ml (1 koppie) melk
• 500 ml (2 koppies) water
• 60 ml (¼ koppie) olyfolie
• 2 x 410 g-blikke suikermielies
• sout en vars gemaalde swartpeper, na smaak
• ½ klein ui, in dun ringetjies gesny
• 6 – 8 knopiesampioene, in dik wiggies gesny
• 10 – 12 takkies vars tiemie
• Voorverhit oond tot 180°C en smeer ’n vlak oondvaste bak liggies met olyfolie.
• Roer meel, melk, water, olie en suikermielies in oondbak saam en geur na smaak. Roer weer deur.
• Strooi ui en sampioene oral oor die mengsel, maar moenie weer roer nie. Sprinkel tiemie oral oor.
• Bak vir 1 uur of tot meel gaar en gereg goudbruin bo-op is.
• Variasie:
• Laat ui en sampioene uit en skep ’n dik tamatiesmoor bo-op, sprinkel met ’n bietjie kaas en bak soos beskryf. Stukkies gebraaide spek kan ook bygevoeg word.