MALVA POEDING MET BOTTERSOUS
Hierdie was Sondag my nagereg vir Vadersdag middagete. Ek het nie genoeg room gehad en toe besluit om klappermelk te gebruik. Wel dit werk perfek!
- 15 ml botter, sag
- 100 g/125 ml suiker
- 2 eiers
- 250 ml melk
- 30 ml appelkooskonfyt (fyn en tuisgemaak is beste as jy het)
- 140 g/250 ml koekmeel (ek het net bruismeel gehad en dit gebruik, perfek)
- knippie sout
- 5 ml koeksoda
- 15 ml wit asyn
- Bottersous:
- 160 g/200 ml suiker
- 5 ml vanielje ekstrak
- 125 g/140 ml botter
- 100 ml water
- 250 ml klappermelk, room of ingedampte melk
Room botter en suiker en voeg die eiers by.
Klop tot gemeng en voeg melk, konfyt, meel, sout en koeksoda by (ek voeg eers die nat goed by en sif dan meel sout en koeksoda saam bo-oor)
en meng goed met handklitser of balonwisk tot gladde beslag. Voeg asyn by en meng deur.
Gooi in gesmeerde bak (300×200×60 of 25 cm deursnee rond) en bak teen 180°C vir 25 minute of tot mooi gerys en goud bruin.
In my gas oond het dit langer geneem, so 35 – 40 min.
Terwyl die poeding bak maak die sous.
Sit suiker, vanielje, botter en water in kastrolletjie en laat kookpunt bereik. Verwyder van hitte en roer die room by.
Hou eenkant tot die poeding gaar is.
Skep so ⅔ van die bottersous oor die poeding en laat bak vir nog 5 minute.
Skep dan die res oor maar as dit lyk of dit klam genoeg is behou die sous om saam te bedien.
Dien op met vla, geklopte room of vanielje roomys.
Variasie: 2nd photo
Malva pudding with black cherries and coconut cream sauce 💕 no custard or ice cream needed. Utterly delicious!
I add a tin of drained blacked pitted cherries on top of the batter before baking. They sink to the bottom. I also added Kirsch instead of brandy to the coconut cream butter sauce.
Resep en foto: Elsabie Templeton
