MALTABELLA GESONDHEIDSBESKUIT

My man en tweeling (2 jr oud) is mal hieroor, dis ons “guilt-free” lekkerte soggens vroeg😋

500 ml maltabella meel (sorghum)
750 ml koekmeel
1.5 koppie semels
½ koppie sade (wat ookal, ek het sonneblom, lyn, sesame, pampoen en ‘n sprinkel chia saad gebruik)
1.5 koppie suiker
½ koppie klapper, desicated
2 ml sout
10 ml bakpoeier
10 ml kremetart
10 ml koeksoda
250 g margarien
750 ml karringmelk (kan ook 2 koppies plain jogurt en 1 koppie gewone melk gebruik)
5 ml vanilla geursel

Verhit oond tot 180 ºC en smeer ‘n standaard oondpan.
Meng droë bestanddele goed saam in groot bak. Smelt margarien en laat effens afkoel en meng die karringmelk en vanilla by en roer deur.
Voeg vloeistof by droë bestanddele en meng goed. Skep deeg in oondpanne en bak vir ongeveer 45 – 60 minute. (Myne het 50 minute gebak)
Laat die beskuit afkoel, sny in skywe en droog uit in lou oond.

Nota:
Die resep kan ook glutenvry gemaak word deur die koekmeel en semels met glutenvye meel te vervang en die vloeistof aan te pas soos verkies.

Resep en fotos: Carmari Fourie Strobos