MAGDA SE FUDGE RESEP

Glo my, dis die moeite werd om te probeer.

1 blik konsensmelk (385 g)
2½ koppies suiker (1 koppie = 250 ml)
½ koppie klapper, of na eie smaak
1 koppie melk
2 eetlepels stroop (1 eetlepel = 15 ml)
2 eetlepels botter

Kook melk, botter en suiker saam.
Voeg res van bestanddele by.
Kook nou op baie lae hitte (beslag moet borrel – ongeveer 35 – 45 minute) tot sagtebal stadium.
Roer aanhoudend terwyl dit kook sodat fudge nie aanbrand nie. Die fudge kook redelik lank, ± 45 minute.

Sodra fudge regte tekstuur bereik het, haal van plaat af en klits vir ± een minuut.
Versprei kookmengsel in bakplaat wat met foelie uitgevoer is. Laat stol en sny in blokke terwyl fudge nog warm is.
Koel af voor fudge uit bakplaat gehaal word.

Nota:
Waarskuwing – fudge is ongelooflik warm. Indien dit met vel in aanraking kom, spoel dadelik af met koue water.

Resep en fotos: Magda Hamann