MAALVLEISVULSEL VIR VETKOEKE

500 g maalvleis
2 uie, fyn gesny
1 blikkie gemengde groente, gedreineer
15 ml kerriepoeier
2,5 ml komyn
5 ml borrie
15 ml asyn
10 ml suiker
5 ml sout
bietjie olie vir braai

Verhit ‘n diep pan of groot genoeg pot op die stoof met ‘n bietjie olie en braai die uie in die pan tot sag.
Voeg die kerrie, komyn, borrie, asyn, suiker en sout by die uie en braai verder vir ongeveer 10 minute terwyl aanhoudend roer.
Voeg die maalvleis by die uiemengsel, roer deur en laat die mengsel prut op lae hitte vir 20 minute.
Voeg die groente by die vleismengsel en prut vir ‘n verdere 5 minute.
Vul die vetkoeke en geniet.

Resep en foto: Martie Labuschagne