MAALVLEISPASTEI MET OORGOOI DEEG

1 kg maalvleis
500 ml koue water
250 ml sagte broodkrummels
25 ml asyn
10 ml sout
1 ml peper
Kors:
1 eier
125 ml melk
125 ml olie
250 ml koekmeel
10 ml bakpoeier
2 ml sout

Plaas al die bestanddele vir die vulsel in ‘n kastrol en meng met ‘n groot vurk.
Verhit tot kookpunt, roer gereeld en kook 5 min tot mengsel nie meer pienk is nie, maar steeds souserig.
Skep die vulsel in ‘n voorbereide pasteibak.

Kors (oorgooi deeg):
Klits eier, olie en melk saam. Sif meel, bakpoeier en sout en meng dit met eiermengsel.
Skep beslag oor die warm vulsel. Bak sowat 30 min by 180ºC.

Nota:
Ek het helfte van vulsel gebruik en hele kors en dit so 20 min in konveksieoond gebak.

Resep geplaas deur Frieda Greyling
Foto: Lelane van der Walt