MAALVLEIS, SPINASIE EN SOETRISSIE QUICHE

Lowcarb en diabeet vriendelik.

500 g maalvleis
1 medium ui, gekap
2 groot handevol babaspinasie
¾ rooi soetrissie, opgesny
12 eiers
125 ml room
gerasperde kaas
sout, peper en speserye (ek het Usisi chakalaka, Walkie Talkie, Spice it Nice, Mjojo gebruik en titseltjie Lemon Grass)

Voorverhit oond tot 180°C.

Braai ui en maalvleis in olyfolie tot lekker verbruin. Voeg jou gekose speserye oor.
Skep uie en maalvleismengsel onderin ‘n oondbak.
Sprinkel gekapte babaspinasie bo-op (ek het die baba spinasie sommer met my hand grof geskeur) Volg met gekapte rooi soetrissies.
Meng eiers, room en titseltjie sout en swart peper en giet bo oor.
Sprinkel gerasperde kaas bo-op.
Bak in die oond vir 30 minute. Heerlik🌹

Foto no 2 en resep: Lynette de Beer
Foto en nota: Ilze Jacobs
Ek het Lynette de Beer se low carb maalvleis, spinasie en soetrissie quiche gemaak… en dis fantasties. Het net bietjie spek en feta bygesit.