LORAINE SE ONTBYTNESSIES

broodrolletjies
2 x 200 g gesnipperde spek
2 medium gekapte uie
4 gesnipperde peppadews, opsioneel
9 geklitste eiers
350 g gerasperde Cheddarkaas
4 gesnipperde sprietuie
1 pakkie ronde spek, liggies gebraai
sout en peper na smaak
olie vir braai

Sny broodrolletjies se bokant af en hol binnekant uit, voer dit uit met die gerasperde Cheddarkaas en daarna die ronde spek. Braai uie, gesnipperde spek, peppadews en sprietuie in olie.
Skep broodrolletjies vol vulsel en giet geklitste eiers bo-oor.
Rond af met kaas bo-op (opsioneel) en bak in oond op 180°C vir ongeveer 25 min sodat eiermengsel kan stol.

Resep en foto: Loraine Roelofse