LEMON MERINGUE TERT MET LEMON CREAM KOEKIES
- Kors:
- 1 pakkie Lemon Cream beskuitjies, fyn gemaak
- 100 g botter gesmelt
Meng fyn gemaakte koekies met gesmelte botter of margarien (70%).
Druk dit egalig uit op bodem en kant van ‘n tertbak. (ongeveer 30 cm in deursnee).
Sit in yskas terwyl jy die vulsel maak.
- Vulsel:
- 1 koppie suiker
- 2 eetlepels koekmeel
- 3 eetlepels mielieblom (Maizena)
- 1.5 koppies water
- 2 suurlemoene, skil fyn af gerasper en sap uitgedruk
- 2 eetlepels botter
- 4 eiergele
Meng suiker, koekmeel, mielieblom, water, suurlemoen skil en sap saam in ‘n pot.
Kook stadig op die stoof todat mengsel verdik soos ‘n melktertpap mengsel.
Klits eiergele saam en voeg klein bietjie van warm vulselmengsel by terwyl aanhou klits.
Voeg dan die eiermengsel by die res van warm vulsel en meng goed deur.
Sit mensel weer terug op die stoof tot alles mooi saam gemeng is, voeg die botter by en meng.
Haal van stoof af. Skep die vulselmengsel in die tertbak met kors. Versprei vulsel mooi egalig.
- Meringue:
- 6 eierwitte
- 9 eetlepels suiker
Klits eierwitte styf en voeg stadig die suiker by, klits tot dit sagte punte maak.
Skep die meringue bo-op tertvulsel en versprei egalige oor hele tert.
Bak in voorverhitte oond op 200°C vir ongeveer 10 min of tot jy sien die bokant begin verkleur.
Nota:
Gebruik ook ‘n blaasvlam brander as jy een het om meringue te verkleur.
Resep en foto: Mike en Tania Claassen
