LEKKERSTE EN VINNIGSTE MELKTERT

Kors:
125 g botter
125 ml suiker
1 eier
500 ml koekmeel
5 ml bakpoeier
knippie sout

Room botter en suiker tot romerig.
Sit die eier by en klits saam.
Voeg meel, sout en bakpoeier by en meng goed tot dit ‘n deeg vorm.
Rol deeg uit, nie te dun ook nie te dik nie, sit in tert panne as kors.
Bak tot gaar by 180 ºC vir ongeveer 15 – 20 min of tot gaar.

Vulsel:
Meng die volgende en bring tot kookpunt:
1 liter melk
100 ml suiker
5 ml vanilla geursel
Meng die volgende saam:
45 ml Maizena
45 ml vlapoeier
45 ml koekmeel
knippie sout
3 eiergele
100 ml melk

Voeg die meelmengsel by die warm melkmengsel.
Roer aanhoudend op lae hitte tot verdik.
Haal van stoof af.
Klits eierwitte styf en meng in met ‘n elektriese klitser.
Skep die vulsel in die gaar kors.
Strooi kaneel oor en laat afkoel.

Resep en foto: Stella Christelle Jansen