LEBKUCHEN

Resep geplaas en foto: Michaela Boon
Ek het ‘n dubbele mengsel gemaak. Het 316 koekies gelewer. Hang natuurlik af van die grote koekiedrukkers wat mens gebruik.

Verhit die volgende saam tot suiker gesmelt is:
(roer goed tot skuimlaag bo-op vorm en laat mengsel redelik afkoel)
500 g heuning of stroop
700 g suiker
80 g botter
Sif die volgende saam:
1.5 kg koekmeel
50 g kakao
1 pakkie Lebkuchen Spice of 15 – 20 g gemengde speserye
Ekstra:
30 g koeksoda, opgelos in 250 ml filterkoffie
2 eiers, geklits
Klits koffiemengsel by suikermengsel saam met die eiers.
Meng die nat- en droëbestandele saam om deeg te vorm. Laat deeg oornag in die yskas staan.
Rol deeg uit omtrent 1 cm dik en druk vormpies uit.
Plaas op gesmeerde bakplaat.
Bak teen 175°C vir 12 – 15 min (Ek het in my Thermofan oond op 190°C vir 12 – 15 min gebak.)
Die koekie moet nie hard wees nie.
Versier koekies as hulle afgekoel is.
Meng versiersuiker met suurlemoensap, (Lecol) die mengsel moet nie te lopering wees.
Mens kan ook gesmelte sjokolade gebruik.
Wenk: Ek gebruik goue stroop en klam bruin suiker. Koekies bly sag