LAE KALORIEË GEROOSTERDE GROENTEGEBAK
‘n Heerlike bygereg by enige ete, veral ‘n braai as jy ‘n keto / lae kalorieë bygereg benodig.
- 12 brusselse spruite, gehalveer
- 10 groot kersie tamaties
- ½ geel soetrissie, in stukke gesny
- 2 murgpampoentjies, in skywe gesny
- 2 skywe pampoen, geskil en in blokke gesny
- 3 eetlepels olyfolie
- sout en peper na smaak
- 5 takkies vars tiemie
- 125 ml room
- 75 g gekrummelde Fetakaas
- 125 ml gerasperde kaas
Plaas al die bestanddele, behalwe die room en kaas, in ‘n mengbak en meng goed deur.
Sprei die groente uit op ‘n oondbakplaat, uitgevoer met bakpapier.
Bak die groente in ‘n voorverhitte oond by 200ºC vir 30 minute.
Skep die groente na die 30 minute in ‘n pot, voeg die room en Fetakaas by en prut vir 5 minute.
Plaas die groente terug op die bakplaat, sprinkel die gerasperde kaas oor en bak vir 15 – 20 minute by 200ºC.
Resep en foto: Ilze Jacobs
